Arkumea eztiz gozatua

2 ordu / 4 lagunentzat /

Gogokoenak gehitu / Inprimatu /

Errezeta
Bidali iruzkina
Antzeko errezetak

Arkumea eztiz gozatua

Osagaiak

1,5 kg arkume (umeri edo bildots), puska ederretan zatitua
Litro eta erdi ardo zuri
2 tipulin, pikatuak
2 piper txorizero, irekiak
Tomate bat, pikatua
Azenario bat, pikatua
Eskukada bat perrexil zurtoin
Baratxuri-buru bat, osorik eta garbi
Ura
Koilarakada bat ezti
5 koilarakada oliba olio

…

Errezeta

Hasteko ongi sartuko diren kazola batean jarriko dugu arkume puskak, ahuspez. Haien gainean ipiniko ditugu tipulinak, tomatea, azenarioa, piperrak, perrexil-zurtoinak eta baratxuriak eta olio eta ardo zorrotadak isuriko ditugu. Bi orduz edukiko dugu guztia hozkailuan, ukitu gabe.

Epe horren ostean, isurkariaren erdia erretiratu eta beste hainbeste ur erantsiko dugu. Estali eta su ezti-eztian jarriko dugu kazola, arkumea xamur gelditu arte, hau da, 90 bat minutu igaro arte. Egina dagoen frogatzeko, haragiak xamur egon beharko du (hatzez sumatuko dugu hori).

Egosi eta gero, kazolatik aterako dugu arkumea, eta egoste-saldatik bereiziko ditugu barazkiak. Saldari erantsiko diogu aurreneko marinadatik gorde dugun erdia. Saltsa maneatzeko, su ertainean jarriko ditugu barazkiak (perrexila izan ezik) potxatzen, 5 koilarakada oliba oliotan, ongi izerditu eta ilun gelditu arte. Hiru aldiz erantsi eta urrituko dugu marinadaren salda. Turmixean xehatu eta, txano batetik irago ondoan, eztia erantsiko dugu. Irakiten jarriko dugu guztia.

Maneaturiko arkume pusken gainean iragaziko dugu ondoren saltsa, eta ordu erdian edukiko dugu guztia irakiten. Gatz-puntua neurtu eta zuzenduko dugu gero. Pausatzen eduki ondoren, berotu eta mahairako prest edukiko dugu arkumea.