Udare tarta
- Errezeta
- Bidali iruzkina
Udare tarta –
Osagaiak
- Tarta molde bat, labean berotutako masa hautsi fin-finaz estalia, hotza
- 6 udare, zurituak, dadotan moztuak
- Korintoko mahaspasak, eskutada bat (sobera lehor baleude, zenbait orduz eduki beratzen Calvados-etan)
- Zurrusta bat Calvados (edo horrelako beste pattar bat: rona, cognac, armagnac¦)
- Gurin puska eder bat
- Koilarakada bat azukre
- Bainila leka bat, irekia eta aletua
- Almendra orerako:
- 55 g irin
- 55 g azukre
- 45 g almendra hauts
- 45 g gurin bigun
…
Errezeta
- Azukrea, zartagin batean su eztian, karamelu bihurtu dadila eta kolore horixka-gorrixka hartzen duenean gurina gehitu, azukre beroarekin bat egin dezan.
- Orduan agudo erantsi udare dadoak eta bainila leka irekia eta bere aleak, uneoro zartaginari eragiteari utzi gabe. 10 bat minutu pasatuta horrela, alkohola gehitu, su har dezala utzi eta bertara irauli mahaspasak, udare salteatuen zaporea har dezan denak.
- Sutatik baztertu padera eta dena katilu batean sartu. Hozten denean, bainila leka kendu, beste zerbaitetarako behar badugu ere, eta egin dugun nahastura labean berotutako tarta-oinarri batean jarriko dugu, koilararen sabelaldearekin hedatuz.
Bizkitartean almendra orea prestatuko dugu…
- Irinarekin azukrea eta almendra txikituak nahasi eta, azkenean, gurin biguna gehitu, baina erne, bigun, ez urtua. Behatz-mamiekin nahasi hondartzako harea finaren itxura hartu arte.
- Harea horrekin moldearen hondoan jarritako udare eta pasak estali eta labean edukiko dugu tarta, 190 graduan, 30 bat minutuz, tartaren gainaldea gorritzen den arte, kolore polita izan arte.
- Behin hoztutakoan, parparrean bota azukre hautsa gainetik eta izozki oso krematsu batekin batera zerbitzatu.
Udare tarta
Euskal pastiza
Euskal pastiza – Osagaiak Orearen osagaiak: 200 g gurin 250 g irin 2,5 g gatz 100 g arbendol-hauts 175 g azukre 2,5 g legamia-hauts 2,5 g azukre bainilatu Arrautza handi bat Kremaren osagaiak: 400 g …
Andere-mahats clafoutis pastela
Osagaiak 250 g andere-mahats, aletuak 3 arrautza 5 koilarakada azukre 130 g esnegain lodi edo, hura ezean, urtu Koilarakada bete uxuala Errezeta Arrautzak, azukrea eta gorringoak nahasiko ditugu gopor batean. Nahastura leun eta krematsu egotean …
Itsas kabra pastela
Itsas kabra pastela – Osagaiak 2 itsas kabra edo kabrarroka eder, garbi eta ezkatarik gabe 2 tipulin, pikatuak Porru baten zuria, pikatua 2 baratxuri ale Oliba olioa Xorta bat brandy 6 koilarakada tomate saltsa Litro …
Henrietteren pastela
Osagaiak 2 katilukada irin 2 katilukada azukre 3 arrautza Katilukada bat esnegain urtu Koilaratxokada bat azukre bainilatu Ximiko bat legamia-hauts Errezeta Azukrearekin joko ditugu arrautzak, kolore zurixka hartu arte. Irina, esnegaina eta legamia gaineratuko ditugu …
San Blas opila, Teresarena
San Blas opila, Teresarena – Osagaiak Kg 1 irin Kilo erdi azukre 150 g txerri gantz edo koipe 8 arrautza (bi zuringo aparte utzirik) 7-8 tanto anis esentzia Legamia, zorro txiki bat edo gaseosa freskagarriak …
