Urraburua plantxan txirla eta ganbekin (edo saltsan)
- Errezeta
- Bidali iruzkina
Urraburua plantxan txirla eta ganbekin –
Osagaiak
- 4 urraburu solomo, hezurrik gabe, 220 g bakoitzak
- kg erdia ganba, gordinik eta zurituak
- kg txirla
- 6 koilarakada oliba olio
- 4 baratxuri ale, xerratan
- 3 koilarakada sagardo-ozpin
- Perrexila, xehatua
- Gatza
…
Errezeta
Gatza bi aldeetatik eman eta padera batean jarriko ditugu urraburu solomoak su bizian, oliba olio pixar batekin. 4 bat minutuan edukiko ditugu su bizi horretan. Erretiratu egingo ditugu, lehor ez daitezen.
Padera garbitu, olioa isuri eta hartan gorrituko ditugu baratxuri xerrak. Ganbak erantsi eta arin frijituko ditugu ondoren une batzuetan. Berehala aterako ditugu, lehor ez daitezen. Paderan gelditu den koipean irauliko ditugu ondoren txirlak, su bizian ireki daitezen. Ireki orduko gaineratuko ditugu berriro ganbak eta ozpina, murriztu eta baratxuri-olioari kutsua utz diezaion. Ez du saltsak zuku behar, heze eta mamitsu baizik. Perrexil xehatua erantsi eta urraburu solomoen gainean garaztatuko dugu baratxuri-olioa. Eta mahaira!
Urraburua plantxan txirla eta ganbekin
Izokin pintxoa unax eran
Izokin pintxoa unax eran – Osagaiak Ogiko tostak Letxuga Izokin ketua Egosi eta zuritutako ganbak Maionesa. … Errezeta Ontzi batean jarri: letxuga, txikitutako izokin ketua, aurrez zuritutako ganbak… (dena ogiko tostak izan ezik). Nahastu eta …
Urraburu xerrak meuniere eran
Urraburu xerrak meuniere eran – Osagaiak 8 urraburu xerra lodi, ezkatarik eta alboko hezurrik gabe Koilarakada bat oliba olio Gurina, zati handi bat 2 limoiren zukua Perrexila, txikitua Irina eta gatza Urraburu xerrak meuniere eran …
Urraburua txakolinaren kutsuan txirlekin
Urraburua txakolinaren kutsuan txirlekin – Osagaiak Urraburu bat edo bi urraburu txiki, 4 lagunentzako, ezkata, errai eta alboko hezurrik gabe Baso erdi bat txakolin 7 koilarakada oliba olio 6 baratxuri ale, xerratan 4 koilarakada sagardo-ozpin …
Arroza txirlekin
Arroza txirlekin Gure mahaietan ezin da falta plater hau: fina bezain gustagarria da, batez ere arroza eta txirlen puntuarekin asmatzen bada. Esan beharrik ez dago txirlak zenbat eta fresko eta salbaiagoak, hobeto aterako zaizula, baina …
Txirlak txapan
Txirlak txapan Osagaiak 1,6 kg txirla 4 koilarakada handi oliba olio Kaienako piper-mutur bat 2 baratxuri ale, xerratan moztuak koilarakada handi bat sagardo-ozpin Perrexila, trauskil xehatua * Lau pertsonentzat Errezeta Ur ugarian garbituko ditugu txirlak, …
