Oilaskoa tomate eta piperrekin
- Errezeta
- Bidali iruzkina
Osagaiak
- 1,5 kg oilasko, erdi tamainako puskatan zatitua
- Baso handi bat ardo zuri
- 4 pipermorro berde edo gorri, zerrenda zabaletan zatituak
- 4 tipula, zerrendetan zatituak
- 4 baratxuri ale, pikatuak
- Porru bat, pikatua
- Litro erdia tomate saltsa
- Oliba olioa
- Gatza
*Lau pertsonentzat
Errezeta
Oliba olio pittin bat kazola zabal batean isuri eta su bizian jarriko dugu berotzen. Gatza eman eta hainbat txandatan frijituko dugu oilaskoa, 10 bat minutuan, kanpotik gorri gera dadin baina erre gabe. Platera batera aterako dugu haragia ondoren.
Kazola berean erantsiko ditugu, hondoan koipe gehiegi bildu bada pixar bat kendu ondoren, tipulak, piperrak, baratxuriak eta porrua. Sua eztitu eta ontzen utziko dugu guztia, 25 bat minutuan. Horren ostean, berriro ere oilasko zatiak sartu, eta erantsi egingo dugu ardo zuria. Egosten utziko dugu hainbat minutuan eta isuri egingo dugu tomate saltsa, poliki-poliki berriro irakiten has dadin arte. Estali egingo dugu ondoren kazola. Su eztian irakiten utziko dugu guztia 20 bat minutuan, salda loditu eta oilaskoa xamur gera dadin. Azkenean, gatza aski duen egiaztatu eta utzi egingo dugu pausatzen, berriro ere berotu eta zerbitzatzeko. Era honetako jakiak jan aurretik pausatzen uztea hobe izaten da betiere.
Oilasko errea sagarrekin
Osagaiak 2 oilasko eder, erretzeko prestatuak, garbiak 4 sagar, haragi estukoak eta zurituak, bihotza kendu eta laurdenetan zatituak Gatza eta piperbeltza, eho berria Baso bete ur Errezeta Labeko erretilu handi batean jarriko ditugu barreiaturik baratxuri …
Oilasko errea limoiarekin
Osagaiak 2 oilasko eder, erretzeko prestatuak, garbiak Limoi bat, bitan zatitua Limoi erdi baten zukua 2 baratxuri-buru Gatza eta piperbeltza, eho berria 2 baso ur Errezeta Labeko erretilu handi batean jarriko ditugu barreiaturik baratxuri aleak, …
Pasta soja-saltsa eta oilaskoarekin
Osagaiak 2 oilasko papar, zerrendatan moztuak Tipula bat, pikatua Piper berde bat, pikatua 2 porru, pikatuak Eskukada bat barrengorri, xerratan moztuak Oliba olioa 300 g pasta txinatar Zorrotada on bat soja saltsa Errezeta Padera batean, …
Oilasko papar irin-arrautzeztatuak piperrekin
Osagaiak 8 oilasko papar xerra Esne pixar bat Perrexil xehatua 4 baratxuri ale, zanpatuak Oliba olioa Irina eta arrautza joa Gatza Gernikako piperrak, frijituak *Lau pertsonentzat Errezeta Gatza eman eta erretilu baten ipiniko ditugu paparrak, …
Oilaskoa saltsan patatekin
Oilaskoa saltsan patatekin – Osagaiak 1 kg oilasko, erdi tamainako pusketan zatitua 2 piper txorizero, aurrez ur epeletan beratuak, ordu pare batean 3 baratxuri ale, pikatuak 2 tipulin handi, pikatuak 10 koilarakada tomate saltsa 5 …
