Oilasko paparrak urdaiazpiko eta gaztarekin
- Errezeta
- Bidali iruzkina
Osagaiak
- 8 oilasko papar xerra, liburu gisa irekiak, bete ahal izateko
- 8 urdaiazpiko xerra, egosia edo iberikoa, aurrekontuaren arabera
- 8 gazta xerra fin, gazta koipetsua, urtzeko modukoa
- Oliba olioa
- 4 baratxuri ale, zanpatuak
- Irina eta arrautza joa
- Gatza
*Lau pertsonentzat
Errezeta
Mahai baten gainean gatza emango diegu oilasko papar irekiei. Urdaiazpiko xerra bat ipiniko dugu paparraren erdian, eta gazta xerra bat jarriko dugu haren gainean. Itxi egingo dugu paparra ondoren, ondo itxi ere, urdaiazpiko eta gazta betegarria barruan gera dadin. Gatza emango diogu paparrari kanpoaldetik.
Padera batean sutan jarriko ditugu baratxuri aleak eta behatz bat olio, paparrak frijitzeko. Su eztian berotzen utziko dugu olioa, baratxuri zaporea har dezan, eta pixkana-pixkana bizitu egingo dugu sua oso bero egon arte. Atera egingo ditugu baratxuriak eta olio horretan frijituko ditugu aurrez irin eta arrautzatan pasa ditugun paparrak, ongi txigor gera daitezen arte. Ondoren xukatu egingo ditugu paparrak.
Gernikako piper berde ugarirekin edo entsalada berdearekin aterako ditugu mahaira. Horrez gainera patata frijituak jartzen badizkiegu, aupa erreala. Paparrak arrautzatan busti baino lehen baratxuri xehatu pixka bat eta perrexil xehatu ugari eransten badizkiogu arrautzari, are zapore gozoagoa izango dute paparrek frijitu ondoren.
Oilasko enpanadatxoak
Oilasko enpanadatxoak – Osagaiak 20 disko ore, enpanadatxoak egiteko Tipulin bat, pikatua 3 baratxuri ale, pikatuak 3 koilarakada oliba olio 600 g oilasko haragi, txikitua 15 koilarakada tomate saltsa Perrexil xehatua Arrautza, joa Oilasko enpanadatxoak …
Oilasko kroketak
Oilasko kroketak Osagaiak Tipulin txiki bat 75 g gurin + 75 g oliba olio birjina 250 g irin 2,3 l esne Arrautza egosi bat, pikatua 400 g oilasko papar, hezurrik eta azalik gabe Errezeta Irakiten …
Oilasko errea baratxuriarekin
Oilasko errea baratxuriarekin – Osagaiak 2 oilasko eder, erretzeko prestatuak, garbiak 2 baratxuri-buru Gatza eta piperbeltza, eho berria 2 baso ur Oilasko errea baratxuriarekin Errezeta Labeko erretilu handi batean jarriko ditugu barreiaturik baratxuri aleak, oilaskoak …
Oilasko errea limoiarekin
Osagaiak 2 oilasko eder, erretzeko prestatuak, garbiak Limoi bat, bitan zatitua Limoi erdi baten zukua 2 baratxuri-buru Gatza eta piperbeltza, eho berria 2 baso ur Errezeta Labeko erretilu handi batean jarriko ditugu barreiaturik baratxuri aleak, …
Pasta soja-saltsa eta oilaskoarekin
Osagaiak 2 oilasko papar, zerrendatan moztuak Tipula bat, pikatua Piper berde bat, pikatua 2 porru, pikatuak Eskukada bat barrengorri, xerratan moztuak Oliba olioa 300 g pasta txinatar Zorrotada on bat soja saltsa Errezeta Padera batean, …
