Kuia marmelada
- Errezeta
- Bidali iruzkina
Osagaiak
- Kalabaza mamia, azal eta pipitarik gabea, kilo bat
- 900 g azukre beltz
- Baso bete ur
- Bainila leka bat
- Kanela adaxka bat
- 2 limoiren zukua
Errezeta
Kalabaza (kuia) zerrenda finetan moztu, zerrenda ez berdinetan. Kazola zabal batean jarriko ditugu osagaiokin: limoi zukua, azukrea, ura, kanela adaxka eta bainila leka. Bainila leka bitan irekita, eta barreneko bihiak marruskaturik; den-dena sartuko dugu kazolan. Buelta batzuk eman denari. Estalki hermetiko bat jarriko diogu kazolari, zikinkeriarik eror ez dadin barrenera. Hozkailuan 12ren bat orduz utziko dugu.
Denbora hori pasatuta, su motelean jarriko dugu kazola, eta irakiten utziko dugu, poliki-poliki, 5 bat minutuz. Gero sutatik baztertu, estali eta pausatzen utziko dugu hozkailuan beste 12 orduz. Ordu horiek iraganik, berriz sutan jarri kazola, su ez oso bizian, eta oraingoan 20 minutuz eduki irakiten. Sutatik baztertu, marmelada ontzi hermetikotan sartu, itxi eta buruz behera jarri, hozten diren arte.
Hozkailuan gordeko dugu marmelada handik gutxira kontsumitzeko asmoa baldin badugu. Denbora luzea iraun dezan nahi badugu, ur irakinetan esterilizatuko ditugu flaskoak.
Denbora franko behar bada ere marmelada prestatzeko, erraz-erraz da. Egizu proba.
Mugurdi marmelada
Mugurdi marmelada – Osagaiak 1,5 kg mugurdi, garbiak, txortenik gabe 300 g azukre 10 koilarakada limoi zuku Bainila adaxka bat, ireki eta aletua Mugurdi marmelada Errezeta Kazola batean ipiniko ditugu mugurdi guztiak. Azukrea, bainila ireki …
Dilista, azenario eta kuia entsalada
Dilista, azenario eta kuia entsalada – Osagaiak Egositako dilista edo lenteja pote bat 8 azenario berri/txiki/finak 200 g kuia “roble” letxuga ale bat Eskarola buru bat Sesamoa Oliba olioa Ozpina Kurkuma … Errezeta Lehenik eta behin, dilistak iragazi …
Almibarra
Almibarra saltsa gozo oinarrizko oso erabilia da gozogintzan eta geuk nahi bezalako lodiera emanen diogu, ia-ia ur izatetik, lika edo pegamendu moduko bat izateraino. Honen bitartez busti ahal izango ditugu, adibidez, bizkotxo-xafla batzuk, haietaz egingo …
Azukre bainilatua nola egin
Azukre bainilatua nola egin – Osagaiak 500 g azukre Limoi hori baten azal pixka bat, birrindua 2 bainila leka, lehorrak edo freskoak. Zein ditugun, horiexek. Azukre bainilatua nola egin Errezeta Azukre honen oinarria bainila lekak …
Marmelada kruxpetak
Marmelada kruxpetak – Osagaiak Haize kruxpetak, frijituak eta epelduak Gogoko marmeladaren bat, lodia Azukre-hautsa Marmelada kruxpetak Errezeta Guraize batzuez albo batetik ireki eta barruko orea hustu egingo diegu, neurrian betiere, kruxpetei, ahalik eta betegarri gehien …
