Baratxuri konfitatuak hornidura gisa
- Errezeta
- Bidali iruzkina
Osagaiak
- 6 baratxuri-buru, ale ederrekin
- Oliba olioa, estali arte
- Gatza
Errezeta
Zuriturik edo osorik konfita ditzakegu baratxuriak, beren azalarekin. Azala kendu gabe konfitatuko ditugu, baratxuriak hobeago konfita daitezen eta aleak osoagoak atera dakizkigun. Burutik ale guztiak banatu eta, kazola batean ipini eta gero, olioa isuriko dugu haien gainean, erabat estali arte.
Sutan jarriko dugu kazola. Lehenengo minutuetan ezti-ezti frijituko dira baratxuriak, kolore pixka bat hartu arte. Suaren indarra guztiz apalduko dugu ondoren, eta konfitatzen utziko ditugu baratxuriak 15 minutuan. Olio horretan berean utziko ditugu hozten. Erabiltzerakoan, xukatu, zuritu eta gatzatu ondoren, gisatu baten saltsan barneratuko ditugu edo ogi-xerra erre edo txigortuan igurtziko dugu, entsalada berdearen ondoan. Sukaldean erabiliko dugu, bestalde, horrela lurrindutako olioa.
Amamaren baratxuri salda
Amamaren baratxuri salda Osagaiak 2 berakatz edo baratxuri ale Gatza Ura Ogi puska bat Zorrotada bat oliba olio birjina … Errezeta Errezeta hau, munduko xinpleena, ez da lau lagunentzat, bakar batentzat baizik. Urdaila triste, ondoezik …
Ziazerbak baratxuri eta piperrautsarekin salteatuak
Ziazerbak baratxuri eta piperrautsarekin salteatuak – Osagaiak Kg bat ziazerba fresko 5 baratxuri ale, xerratan moztuak Koilarakada bat piperrauts gozo 6 koilarakada oliba olio Piperrautsa, eho berria Gatza Ziazerbak baratxuri eta piperrautsarekin salteatuak Errezeta Ziazerbak …
Maionesa baratxuri gordinarekin
Maionesa baratxuri gordinarekin – Osagaiak Oliba olioa, litro erdia inguru 4 arrautza gorringo 3 koilarakada sagardo-ozpin Gatza, ximiko bat 2 baratxuri ale, zurituak Maionesa baratxuri gordinarekin Errezeta Munduko saltsa hotz zabalduena da maionesa. Jaki askoren …
Baratxuriak hornidura gisa
Osagaiak 6 baratxuri-buru, ale ederrekin 4 koilarakada oliba olio Gatza Errezeta Zuriturik edo osorik erreko ditugu baratxuriak, beren azalarekin. Azala kendu gabe erreko ditugu, osoagoak atera dakizkigun, ez baitira horrela horren erraz erreko. Burutik ale …
Berakatza ahora etor ez dakigun
Berakatza edo baratxuria ahora etor ez dakigun, hoberena da zuritu, zatitu eta haren barruan dagoen ernamuina kentzea, oso pisua baita janez gero. Ernamuin hori berdekara kolorekoa izaten da. gainera, lizun kontutan ibiltzeko asmoz bazaude, gainera, …
