Azukre bainilatua nola egin
- Errezeta
- Bidali iruzkina
Azukre bainilatua nola egin –
Osagaiak
- 500 g azukre
- Limoi hori baten azal pixka bat, birrindua
- 2 bainila leka, lehorrak edo freskoak. Zein ditugun, horiexek.
Azukre bainilatua nola egin
Errezeta
Azukre honen oinarria bainila lekak dira. Krema ingelesa, arrautza-esnea, arroz-esnea edo bainila erabiltzen den edozein postre egiten dugunean, garrantzitsua da bainila lekak ez botatzea sekula.
- Uretan garbitu, labe ondoan edo toki lehorren batean idortu, lizundu ez daitezen, eta berriz gordetzen ahal ditugu, beste noizbait erabiltzeko, beste zerbait egiteko, azukre lurrineztatu hau konparazio batera. Adaxkek lehor-lehor gelditu behar dute.
- Fresko baldin badaude, ireki eta bihiak marruskatu, eta irabiagailuaren ontzira sartu, azukrearekin eta limoi azal birrinduarekin batera.
- Indar bete-betean jarri martxan irabiagailua, dena hauts fin bihur dadin, eta ontzi guztiz hermetiko batean eduki, erabili behar dugunerako.
Erabilera: jogurt bat gozatzea, edo azukre arruntaren ordez erabiltzea gozogintzako zerbait egin behar dugunean, flan bat, krema bat, bizkotxo bat, arrautza-esnea, etab.
Azukre bainilatua nola egin
Kuia marmelada
Osagaiak Kalabaza mamia, azal eta pipitarik gabea, kilo bat 900 g azukre beltz Baso bete ur Bainila leka bat Kanela adaxka bat 2 limoiren zukua Errezeta Kalabaza (kuia) zerrenda finetan moztu, zerrenda ez berdinetan. Kazola …
Erroskilak
Erroskilak – Osagaiak 400gr irin arrautza bat legamia goilakaradatxo 1 anis likorea 2 goilarakadatxo 150 gramo azukre 3 goilarakadatxo glass-azukre 4 goilarakada esne 4 goilarakada olio frijitzeko beste olio … Errezeta Gopor edo ontzi borobil …
Mugurdi salteatuak bainila izozkiarekin
Osagaiak 500 g mugurdi, txortena kenduta 4 koilarakada azukre beltz 2 koilarakada gurin Limoi ur tanta batzuk Bainila izozkia Errezeta Zartagin handi batean azukrea paratu eta karamelu itxura har dezala su motelean. Pixka bat gorritu …
Azenario marmelada
Osagaiak 375 g azenario, zurituak 375 g azukre 10 koilarakada ur Limoi erdi bat Laranja erdi bat Errezeta Zuritu eta pisatu ondoren, lodi arraspatuko ditugu azenarioak. Bestalde, birrindu egingo ditugu limoi eta laranja erdien azalak, …
Almibarra
Almibarra saltsa gozo oinarrizko oso erabilia da gozogintzan eta geuk nahi bezalako lodiera emanen diogu, ia-ia ur izatetik, lika edo pegamendu moduko bat izateraino. Honen bitartez busti ahal izango ditugu, adibidez, bizkotxo-xafla batzuk, haietaz egingo …
