Arroza karraspinekin
- Errezeta
- Bidali iruzkina
Osagaiak
- Karraspinak krema errezeta bat
- Tipulin bat, fin zatitua
- 500 g arroz
- Edontzi bat ardo zuri
- 1,3 l salda edo ur (haragi-salda pastillaz hornitua)
- 5 koilarakada oliba olio
- Koilarakada bat Idiazabalgo gazta birrindu
- Gatza
Errezeta
Kazola batean, bi koilarakada oliotan jarriko dugu tipulina potxatzen, gazta pixka batez, 15 bat minutuan. Epe honen ostean, ardo zuriaz busti eta urritzen utziko dugu guztia, erabat lurrindu arte. Arroz zuria erantsi eta, gaiei zurezko koilara batez etengabe eragiten ari garela, pixkana-pixkana hasiko gara salda edo ura isurtzen. Egosten mantenduko dugu guztia salda edo ur beroa bukatu arte. 15 minutukoa izango da arrozaren egoste denbora.
Karraspinak kreman erantsiko ditugu ondoren. Salda gehiago erantsiko dugu jakia trinkoegi eta lotuegi geratu bazaigu. Krematsu eta mamitsu behar du arrozak, ez trinko.
Sutatik atera eta gazta birrindua eta gainerako oliba olioa erantsiko ditugu. Biraka nahasiko dugu guztia.
Arrozesne garbia
Arrozesne garbia Osagaiak Litro bat esne Pote bat esne lurrindua (ez da ezinbestekoa) 200 g arroz, pikor biribilekoa Laranja azal bat eta limoi azal bat Kanela adaxka bat 150 g azukre Gatza Arroz esne garbia …
Arroz tortilla
Arroz tortilla – Osagaiak 20 koilarakada arroz zuri baratxuri eta perrexilarekin 8 arrautza, joak Perrexila, xehatua Gatza Errezeta Jo ditugun arrautzetan nahasiko dugu baratxuriz eta perrexilez maneaturiko arroza. Gatz gutxi eman eta perrexil xehatua erantsi. …
Risottoa
Risottoa – Osagaiak 6 koilarakada handi oliba olio birjina 2 baratxuri ale, xehatuak 2 tipulin handi, pikatuak 500 g arroz, ale biribilekoa 1,3 l salda edo ur Koilarakada bat gazta koipetsu, birrindua 2 koilarakada esnegain, …
Arroz zuria baratxuri eta perrexilarekin
Osagaiak 6 koilarakada handi oliba olio birjina 4 baratxuri ale, pikatuak 500 g arroz, ale biribilekoa 1,3 l salda edo ur 2 koilarakada handi perrexil xehatu Errezeta Kazola batean olioa ipini eta su eztian jarriko …
Arroz paella
Arroz paella – Osagaiak 5 koilarakada oliba olio Baratxuri-buru bat 3 piper txorizero edo 5 piper lehor oso, zuztarrik gabe 4 piper berde Kg erdia txerri haragi, gizenik gabe eta puskatan Oilasko izter bat, hezurra …
