Pasta otarrainxkekin
- Errezeta
- Bidali iruzkina
Pasta otarrainxkekin –
Osagaiak
- 16 otarrainxka fresko, azala kenduta, bitan zatituak, luzetara
- 2 baratxuri ale, txikituak
- 6 koilarakada oliba olio
- Perrexil xehatua
- 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak dira egokiak)
- Gatza
Errezeta
Zartagin batean 2 koilarakada oliba olio jarriko ditugu. Berotu dadin utzi. Bero dagoenean otarrainxka gazituak frijitu oliotan; gorritu daitezela baina sobera lehortu gabe. Zartaginetik atera, gainerako olioa isuri eta baratxuriak sartu, pixka bat gorritu daitezen. Su motelean frijitu daitezela, olioak haien zaporea bereganatu dezan. 5 bat minutu iraganik, pasta egosi berria eta xukatua gehitu, eta salteatu dadila pixka batean. Gero otarrainxka salteatu berriak ere bai. Perrexila par-par bota gainetik eta zerbitzatu. Nahi izanez gero, tomate saltsa pixka bat edo esnegain likidoa nahas diezaiokegu pastari, edo itsaskia ardo zuri edo armagnac pixka batekin salteatu, baina hori gustu kontua da. Bakoitzak erabaki dezala.
Pasta otarrainxkekin
Otarrainxka irin-arrautzeztatuak
Otarrainxka irin-arrautzeztatuak – Osagaiak 20 otarrainxka fresko, erdi tamainakoak Oliba olioa, frijitzeko Baratxuri ale bat Irina eta arrautza joa Gatza irin-arrautzeztatuak Errezeta Gatza emango diegu otarrainxkei. Padera batean olio pixar bat isuri eta su ezti-eztian …
Otarrainxka tartarea
Otarrainxka tartarea – Osagaiak kg otarrainxka gordin, zurituak eta labanaz dado txikitan moztuak 2 abokat heldu, dadotan moztua Tipulin bat, pikatua eta ondoren uretan garbitua (iragazkian ongi xukatua) Perrexila, pikatua Tipulin-belarra, pikatua Pixar bat ziape …
Pasta barazkiekin
Pasta barazkiekin – Osagaiak Tipulin bat, txiki-txiki egina Piper berde bat, txiki-txiki egina Piper gorri bat, txiki-txiki egina Porru bat, txiki-txiki egina Lekak, zerrenda laburretan moztuak eta hariak kenduta. Eskutada bat Dozena bat orburu bihotz, …
Pasta pistoarekin
Pasta pistoarekin – Osagaiak 600 g pasta, egosi berria, nahi dena (saltsa daramaten plater mota honetarako espagetiak edo makarroiak dira egokiak, baita gnocchi goxo batzuk ere) Barazki pistoa egiteko errezeta Gatza Pasta pistoarekin Errezeta Pasta …
Pasta perrexil-pestoarekin
Pasta perrexil-pestoarekin – Osagaiak 600 g pasta, egosi berria, nahi dena (saltsa daramaten plater mota honetarako espagetiak, tagliatelleak edo makarroiak dira egokiak, baita gnocchi goxo batzuk ere) Perrexilezko pestoa, 10 koilarakada Gatza … Errezeta Pasta …
