Esne frijitu edo peilak
- Errezeta
- Iruzkin 1
Esne frijitu edo peilak –
Osagaiak
- Litro bat esne
- Kanela, adaxka bat
- 10 koilarakada azukre
- 50 g maizena
- 50 g irin
- Koilarakada bat eguzki-lore olio
- Irina eta arrautza joa
- Oliba olioa, frijitzeko
- Azukre eta kanela ehoak
Errezeta
Litro laurden bat esnetan nahasiko ditugu irina, maizena eta azukrea. 5 bat minutuan edukiko dugu egosten gainerako esnea kanelarekin; iragazi eta pixkana-pixkana erantsiko diogu aurrez prestatutako ahiari. Su eztian egosiko dugu nahastura, bira eta bira etengabe, 10 minutuz. Eguzki-lorez igurtzitako xafla edo erretilu batean zabalduko dugu ondoren, eta hozten utzi. Hoztu eta gero, lauki ederretan moztuko dugu orea, irin eta arrautza joan pasatzeko. Su ertainean frijituko ditugu, oliba oliotan. Koipe soberakina kendu eta azukrea eta kanela ehoak hautseztatuko ditugu gainetik.
Esne frijitu edo peilak
Iruzkina bidali
Esnegain kruxpetak
Osagaiak Haize kruxpetak, frijituak eta epelduak Esnegain harrotu berria, Chantilly krema Azukre-hautsa Errezeta Guraize batzuez albo batetik ireki eta barruko orea hustu egingo diegu, neurrian betiere, kruxpetei, ahalik eta betegarri gehien sartu ahal izateko. Koilara …
Mamia azukreztatua
Osagaiak Mamia Azukrea Errezeta Esnea berotu eta sutatik atera eta gero, 125 g azukre erantsiko ditugu litro esne bakoitzeko. Nahasi eta errezetaren arabera jokatuko dugu, hau da, aurrez tanta batzuk gatzagi pausaturiko potoetan isuri eta …
Krema katalana marina eran
Krema katalana marina eran – Osagaiak 1/2 litro esne limoi baten azala kanela – zotz bat 30 gr arto-irina 6 gorringo 9 koilarakada azukre ziropea TRESNAK lau bol koilara pot bat irabiagailua … Errezeta Gorde …
Esne-gozoa
Esne-gozoa – Osagaiak Lata handi bat esne kondentsatu Esne-gozoa Errezeta Kazolaren hondoan egunkari-orri bat ipiniko dugu tolestaturik, latak zuzenean hondoa uki ez dezan. Hondoan egokitu eta urez beteko dugu kazola. Borbor apalean irakiten edukiko dugu …
Mamia edo gatzatua
Mamia edo gatzatua – Osagaiak 6 pote betetzeko: Ardi esnea, litro bat Gatzagi likidoa Gatza … Errezeta Bi edo hiru gatzagi tanta isuriko ditugu lehenik lurrezko sei poteen hondoan. Gatz pittin bat eman eta irakiten …
[…] Esne frijitu edo peilak […]